🖤 البانيه اللي الكفر بتاعه بيلزق ومبيفكش؟ السر كله في التتبيلة والطريقة! 😍🔥 لو بتعملي البانيه وطعمه حلو، لكن أول ما ينزل الزيت تلاقي الكفر خالع ومنفوخ والفراخ بقت لوحدها 😩😂 جربي الطريقة دي من غير بيض، وهتلاقي الطبقة الخارجية ماسكة في الفراخ وبتطلع مقرمشة ولونها دهبي يفتح النفس 👌🤎 والأجمل إن التتبيلة بسيطة ومش محتاجة مكونات غريبة ❤️ 🥰 تتبيلة البانيه من غير بيض المكونات:
– ½ كيلو صدور فراخ مقطعة شرائح متساوية – ½ كوب زبادي – 2 معلقة كبيرة لبن – 1 معلقة كبيرة مستردة – 1 معلقة كبيرة نشا – 1 معلقة صغيرة ثوم بودرة – 1 معلقة صغيرة بصل بودرة – ½ معلقة صغيرة بابريكا – رشة بهارات فراخ – ملح وفلفل أسود – عصرة ليمون بسيطة للتغطية: – دقيق – بقسماط – رشة بابريكا – رشة ثوم بودرة
– رشة بصل بودرة – ملح وفلفل أسود 👩🏻🍳 الطريقة: 1️⃣ اقطعي الفراخ شرائح متساوية وخبطيها خبط خفيف جدًا علشان كل القطع تستوي مع بعض. 2️⃣ اخلطي الزبادي واللبن والمستردة والنشا والتوابل والليمون كويس. 3️⃣ حطي الفراخ في التتبيلة وقلبيها كويس، وغطيها ودخليها التلاجة من ساعتين لـ 6 ساعات. 4️⃣ طلعي كل قطعة وسيبي التتبيلة الزيادة تنزل. 5️⃣ غطي الفراخ بالدقيق واضغطي عليها كويس.
6️⃣ رجعيها طبقة خفيفة جدًا من التتبيلة. 7️⃣ غطيها بالبقسماط واضغطي بإيدك عليها كويس علشان الطبقة تمسك. 8️⃣ رصي البانيه وسيبيه يرتاح 10 دقايق قبل القلي. 9️⃣ سخني زيت غزير كويس، واقلي على نار متوسطة ومتزحميش الطاسة. 🔟 أول ما ياخد اللون الدهبي الجميل طلعيه على شبكة أو ورق مطبخ، ومتغطهوش وهو سخن علشان يفضل مقرمش. ✨ وعند عمل البانيه ضيفي النشا للتتبيلة… هتفرق جدًا في تماسك الطبقة الخارجية.
━━━━━━━━━━━━━━ 💥 تكات سوزي هتفرق معاكي في المطبخ 👩🏻🍳🖤 🥔 البطاطس المقلية: انقعيها في مية ساقعة وبعدها نشفيها كويس جدًا قبل القلي… القرمشة هتفرق معاكي. 🍚 الرز: بعد ما يتشرب المية، وطي النار خالص وغطيه وسيبيه يكمل سوى بهدوء علشان يطلع مفلفل. 🍝 المكرونة: لو هتعمليها بصوص، متغسليهاش بعد السلق؛ النشا اللي عليها بيساعد الصوص يمسك فيها. 🍅 صلصة الطماطم: شوحي الصلصة كويس في الزيت الأول قبل إضافة المية؛ الطعم واللون هيبقوا أغنى.
🥬 الملوخية: متخليهاش تغلي غلوة قوية بعد إضافة التقلية، علشان تفضل محافظة على قوامها وطعمها. 🥩 الكفتة: متشكليش الكفتة وإيدك ناشفة؛ بللي إيدك بمية باردة بسيطة وهتتشكلي معاكي بسهولة. 🍗 الفراخ المشوية: بعد ما تستوي سيبيها ترتاح كام دقيقة قبل التقطيع، علشان العصارة تفضل جواها. 🥛 البشاميل: ضيفي اللبن بالتدريج مع التقليب المستمر بالمضرب، وهتتفادي التكتلات. 🥒 المحشي: متملئيش الخضار للآخر؛ سيبي مساحة للرز علشان بيزيد أثناء التسوية وميفتحش المحشي.
🍰 الكيك: بعد إضافة الدقيق متقلبيش الخليط زيادة عن اللزوم؛ أول ما المكونات تتجانس وقفي تقليب علشان الكيك يطلع هش. ❤️ جربي البانيه بالطريقة دي وقوليلي… الكفر عندك كان بيفك قبل كده ولا أنا كنت لوحدي؟ 😂 🤲🏻 اللهم صلِّ وسلم وبارك على سيدنا محمد 🖤 🧡 لو الوصفة عجبتكم صلّوا على النبي ﷺ في التعليقات علشان تاخدوا أجر وأنا كمان 🤍 ومتنسوش تعملوا لايك وشير علشان يوصل لكم كل جديد 🔔
واكتبولي عايزين وصفة إيه الجاية 😍✨