قبل ما تسلقي اللحمة اسمعي مني الكلمتين دول… ده سر لحمة طباخين الأفراح والشيفات الكبار! لو نفسك اللحمة تطلع دايبة، عصارية، مليانة نكهة، والشوربة صافية وطعمها يجنن، يبقى اعملي الخطوات دي زي ما بيعملها شيفات المطابخ الكبيرة. أول حاجة… اللحمة متتغسلش. ولو حابة تشطفيها يبقى شطفة سريعة جدًا تحت الميه الجارية من غير نقع، لأن النقع بيسحب جزء من طعمها وعصارتها الطبيعية. حطي الحلة على النــ,,ـــــار بمياه تغلي غلوة قوية، وبعدها نزلي اللحمة. أول ما الريم يطلع شيليه أول بأول بمصفاة، ومتقلبيش اللحمة كتير في أول السلق.
أسرار طباخين الأفراح للحمة الدايبة بصلة كبيرة متقسمة أربع. جزرة كبيرة. نص رأس ثوم الفصوص كاملة، وحبه طماطم ودي من أهم أسرار النكهة. ورقتين لورا. خمس أو ست حبات حبهان. معلقة صغيرة فلفل أسود صحيح. عود كرفس لو موجود هيدي الشوربة طعم احترافي. ومننساش رشه السكر ومعلقه خل ده سر الدوبان والتسويه السريعه بعد الغلوة، وطي النــ,,ـــــار جدًا وسيبيها تستوي على مهل، لأن النــ,,ـــــار الهادية هي سر اللحمة اللي بتدوب.
الملح متحطيهوش من الأول، حطيه قبل ما اللحمة تستوي بحوالي نص ساعة. سر الشوربة الرايقة شيلي الريم باستمرار أول السلق. متغطيش الحلة غير بعد ما الريم يخلص. متكثريش التقليب. سيبي الشوربة تغلي بهدوء من غير فوران جامد، وهتطلع لونها ذهبي وصافية وطعمها مركز. بعد ما اللحمة تستوي… اعملي أحلى تشويحة هتخليها أفخم من المطاعم في طاسة واسعة حطي معلقة كبيرة سمنة بلدي، ولما تسخن شوحي اللحمة من كل الجهات لحد ما تاخد لون دهبي خفيف، من غير ما تنشف.
انزلي عليها بـ: شرائح بصل. فلفل ألوان. شرائح جزر. كمية محترمة من فصوص الثوم الصحيحة. شوحي الخضار دقيقتين بس، وبعدها ضيفي: طماطم متقطعة مكعبات صغيرة. ملح. فلفل أسود. بابريكا. رشة زعتر. رشة روزماري. رشة بسيطة بهارات لحمة. قلبي الكل مع بعض دقيقتين، وبعدها رصي اللحمة والخضار في صينية، وانزلي بكام مغرفة من شوربة اللحمة، وغطي الصينية بورق فويل. ادخليها فرن سخن لحد ما الخضار يستوي واللحمة تشرب كل النكهات، وبعدها افتحي الفويل آخر عشر دقايق عشان تاخد وش محمر يفتح النفس.
النتيجة؟ لحمة طرية بتدوب من أول لقمة، وخضار متكرمل، وصوص غني بالنكهة، وطعم كأنه معمول في أكبر مطبخ أفراح. احفظي البوست وجربيه، ولو عندك سر بتستخدميه في سلق اللحمة اكتبيه في التعليقات عشان الكل يستفيد. لو الوصفة عجبتكم صلّوا على النبي ﷺ في التعليقات علشان تاخدوا أجر وأنا كمان ومتنسوش تعملوا لايك وشير علشان يوصل لكم كل جديد واكتبولي عايزين وصفة إيه الجاية Po